December forever

قرأت مبارح مقال Mr.blond إلي حكى فيه عن فيلم “سيلينا ” المقتبس من مسرحية الرحابنة “هالة والملك” و يلي عم يتم عرضوا حاليا .
رحت حضرت الفيلم..وانبسطت إني حضرتو
يعني حاتم علي ..هاد ال بني آدم ثروة.
الفيلم حلو..في كوميديا حلوة..وأفكار قوية
وطبعا الإخراج “بدون تعليق” وكبدايات عصر السينما السورية…البداية مشجعة.
صحيح إنو الفكرة و النص مأخودين من مسرحية قديمة بس فكرة تجديد العمل كانت فكرة منيحة لمحاكاة هي الأفكار للواقع…
بصراحة من الأشياء السلبية إلي كونتها عن الفيلم قبل ما إحضروا هي
فكرة إختيار ميريام فارس..لتمثل الدور إلي مثلتو السيدة فيروز بالمسرحية.
هو مجرد زكر الإسمين سوا بيستفز..
بس الوضع ما كان بالسوء إلي تخيلتو.. باعتبار -متل ما حكى Mr.blond -إنو أغلبنا ما عندو معرفة بالمسرحية الأصلية مشان هيك مارح يكون في مجال للمقارنة..يعني نحنا رح نكون قدام عمل جديد منفصل.. منقيمو بدون ربطو بالمسرحية الأصلية..منقيمو كعمل مستقل..
وبرأيي كان ناجح و حلو.
وبالنسبة لأراء بعض الأشخاص إنو إنتاج فكرة جديدة كان ممكن يكون أحسن
أنا برأيي إنو إي ممكن ..بس كمان تجربة حلوة..وهي البداية ..لسه جاية إن شالله إبداعات كتير للسينما السورية..بوجود مبدعين متل حاتم علي
-مارح علق على أداء الممثلين السوريين ..أكيد معروفين بخبرتن و أدائن
بس إلي عجبني كتير كان دور الملك إلي مثلو الفنان جورج خباز..عنجد كان حلو كتير

ملاحظة:شكرا ع النصيحة Mr.blond
اشتريت أنا ورفيقتي بوشار و تشيبس
وقعدنا نقرش..وأحلى كلام