شبيبة إلعب..شبيبة إلعب مايو 5, 2009
Posted by decemberforever in 1.trackback
بكرى 6/5/2009 المباراة التالتة في نهائي الدوري السوري لكرة السلة..علما إنو الفائز ب 3 مباريات من أصل خمسة رح يتوج بطل للدوري.
كان الجلاء فاز على الجيش بمباراتين- الأولى بحلب بنتيجة 91-80
والتانية كانت بالشام بنتيجة 74-68
وبكرى المباراة إلي ممكن تنتهي بتتويج الجلاء بطل للدوري
إن شالله…
رغم إني بحب فريق الجيش ..بس ولائي قطعا للجلاء..وإن شالله بكرى الشباب بيلعبو حلو.
المباريات منقولة على تلفزيون المشرق
رغم الأخطاء الفنية والتقنية إلي صارت..بس مشكور تلفزيون المشرق على تغطية الدوري ..وعدم قطع المباراة مشان النشرة الإخبارية ..مشكور على الإستديو التحليلي البسيط..العفوي
وعلى اللقاءات الميدانية مع الجمهور..والإداريين و اللاعبين
بس ياريت مايغلطو الغلطة الكبيرة تبع التلفزيون السوري بخصوص المعلقين الرياضيين
بعتقد إنو بسوريا في شباب ظراف بيفهو بالرياضة والتعليق الرياضي.
ومشان دوريات وبطولات قادمة ..ياريت يحطولنا عداد الوقت على الشاشة ..لأنو ما بيكفي نعرف المباراة بأي quarter , بالسلة كتير مهمة الثواني.
وأخر شي بتمنى مباراة حلوة بكرى من ميشو و مارسيلو وساري ..وكل الشباب .
ملاحظة: المباراة الساعة 8 مساء بالتوقيت المحلي.
ِ
أنا مريضة بشي اسمو باسكت بول ..
يلا رح نتابعها بكثير من التشجيع وقليل من الهدوء
ودٌّ
أهلن فيكي سيدة الزرقة..مبسوطة فيكي إنك بتحبي تحضري سلة ..لأنو الحمدالله ما حدا من رفقاتي “البنات” فاضي للرياضة.
بس ما قلتلي مين بتشجعي…أكيد الجلاء..مو؟
خالصة مع السلطة
جيشاوي لا تتحدى هللعبة مانك قدا
مبروك النا الكاس التالت على التوالي والـ 26 بتاريخ السلة السورية
يا اهلي يا مسكين .. رجعت ايام السبعين
مبروك للجلاء..بس كنت بتمنى إنو تكون المباراة أحلى من هيك ..قصدي متل المباراة الأولى بالنهائي بين الجيش و الجلاء….كان التسجيل متقارب..واللعبة حماسية كتير…ولأخر الدقايق
ورغم إني بشجع الجلاء…بس بصراحة أنا بحب فريق الجيش و بحب لعبن..اليوم مابعرف كانوا متوترين
لا شعوريا لما حاول الجيش بأخر ربع إنو يعوض النتيجة بالتركيز على التسجيل من خارج القوس لا شعوريا كنت عم شجعو ..حلو المباراة يضل فيا حماس وتوقعات.
..بس بالنهاية فاز الجلاء وبيستاهل..
وبيستاهل ميشو..يرفع الكاس
أما الأهلي فأخد المرتبة التالتة.
مبروك لمشجعي الجلاء..ولإلك gabriel ..أكيد الأجواء الإحتفالية بتكون هلق شغالة