رأيي في الدين مارس 28, 2009
Posted by decemberforever in 1.trackback
-في الآونة الأخيرة قرأت عدة مقالات عن الدين
وقررت أن أقول رأيي بصراحة
نحن البشر مجرمون
نريد أن نجند أفكار روحانية لتصبح سبباً في التقسيم و الكره والحرب
إذا كان هناك دين فإن هدفه الوحيد هو المحبة
محبة الله والناس
قولوا لي ماذا يفعل من يدعون إنهم أولياء الله.. يفتون حسب أهوائهم ويحللون ويحرمون ويقتلون ..ويتأمرون ويخططون
الدين سياسة ..لعبة ..كذبة
تقود الناس حيث تريد أقلية.. أقلية هي بالأساس تنظيم سياسي
أنا أنتمي إلى دين هذا لا يعني أن أصبح آلة
أن أنسى أن أفكر وأن أستخدم عقلي
أن أنسى أن أقف كل فترة في الطريق الذي أسلكه وأن أتأمل مايجري حولي
هل أنا على الطريق الصحيح؟
وماهو الصحيح؟
كم من الناس قتلت باسم الدين
وبعد كل هذه الدماء وبعد كل ما أره من الناس من تعصب أعمى أنا أكره الدين
إذا كان الدين هو مقياسي في تقييم الأخرين أنا أكره الدين ..
إذا كان الدين هو وسيلة لأحصل على ما أريد أنا أكره الدين ..إذا كان الدين أن أحمل بندقية وأركض باتجاه بشر أخرين أنا أكره الدين
إذا كان الدين أن يقوم شخص ما بتفجير نفسه بين أناس مدنين وهو يظن نفسه أنه يستشهد أنا أكره الدين
إذا كان الدين هو مجموعة الممارسات اليومية من صلاة وصوم فقط أنا أكره الدين
إذا كان الدين هو المطالبة ببلد له طابع ديني واحد أنا أكره الدين
إذا كان الدين أن تفرح فئة من الناس لدمار حل بفئة أخرى فأنا أمقت الدين
لماذا نُغيب عقلنا وإنسانيتنا
هل نحن أغبياء إلى هذه الدرجة..
هل نحتاج إلى من يخبرنا ما الحق وما الباطل
الحق واضح وضوح الشمس والمشكلة فيمن لا يريد أن يراه
نحن نملك شيء مهماً أساسياً في تركيبتنا البشرية ..ميزة فطرية..اسمها الضمير الإنساني
الضمير الخلقي
الذي هو نفحة من روح الله فينا
نميز فيه الشر والخير
ونعتنق الاثنين عن تصميم وإرادة.
هل نحتاج نحن البشر أسباباً أخرى للإقتتال والنزاع؟
لماذا لا يتعظ الناس من التاريخ لطالما تم أستغلال الدين لشن الحروب وسفك الدماء بين الناس..
أهذا حقا مايريده الله
أما هذا مايريدونه..
اتركوا إنسانيتكم تكبر لا تقيدوها بقوالب حجرية
دعوا إنسانيتكم تتنفس قليلا
دعوا إنسانيتكم تكون المرجعية
أنا لا أدعوا لإن تتركوا معتقداتكم وما تؤمنون به ..
أنا أحترم ماتؤمنون به لأنهم جزء من احترامي لما أؤمن به
لكني فقط أقول أن نترك الدين قضية خاصة بين الإنسان وربه
والله أقدر على الحكم
ولندع التكفير وإطلاق الأحكام
فأنا أعتقد أن لا أحد على وجه الكرة الأرضية يستطيع أن يقول أنا لا أخطأ و لم أخطأ
لا أحد معصوم..
وبالتالي لا يحق لإحد أن يكفر وأن يفرض حكم الموت على من يعتقد أنه كافر
ثم لاتوجد في الدنيا ما يسمى حقيقة مطلقة
هناك عدة جوانب لرؤية الشيء نفسه
فلا يستطيع أحد أن يدعي أنه الوحيد الذي على بينة
وأن يفرض رؤيته على الأخرين
وأن يكفرهم
إن الإعتقاد إنه يمكن تلوين الناس بلون واحد
هو إعتقاد منافي للطبيعة وللمنطق
الإختلاف حكمة
حتى ولو لم يكن الإنسان ينتمي إلى أي دين فهذا لا يتناقض مع إمكانية كونه مؤمن
إني أؤمن أن الإنسان وممارساته ونيته..هي أهم من إي إعتبار ديني
أهم من إي صفة دينية.
ِ
هاد رأيك الشخصي ووجب على كل قراءك احترامه
ولكن هناك نوع من المبالغة عزيزي
أليس كذلك !!
“إذا كان الدين أن يقوم شخص ما بتفجير نفسه بين أناس مدنين وهو يظن نفسه أنه يستشهد أنا أكره الدين”
يارجل لم يتبقى لذلك الشخص شيء ليعيش من أجله .. اغتصبوا امرأته قتلوا أطفاله هدموا بيته ماذا تريد منه أن يفعل (خذها من هذا الجانب) لن يقتل الشخص نفسه بكل هذه البساطة لو استطاع تحقيق هدفه بصاروخ ولكن موضوع اصابتهم صعب بطريقة الصواريخ ووجود التكنلوجيا .. ولكن الدخول إليهم بهذه الطريقة يساعدهم أكثر على ضربهم بدقة .. انظر ماذا يفعلون من أجلنا وانظر كيف تكلم عنهم .. الغاية تبرر الوسيلة إنهم شهداء وليس قتلى !!
“إذا كان الدين أن أحمل بندقية وأركض باتجاه بشر أخرين أنا أكره الدين”
ليس للدين علاقة انه مفهوم الجهاد عند المسلمين مثلاً
ولكل شخص له حق في شيء فالسلاح هو في النهاية الملاذ الوحيد لاستقلال الأمم
“إني أؤمن أن الإنسان وممارساته ونيته..هي أهم من إي إعتبار ديني
أهم من إي صفة دينية”
عزيزي لو لم يبني الانسان أفكاره ومعتقداته على منهج ديني معين فكنا قد اصبحنا في مرتبة الحيوان .. فالدين كائناً ما كان هو منهج سماوي وقانون ييسر لك حياتك
فيما تبقى أنا اتفق معك وأفهم قصدك تماماً ولكن للأسف العيب فينا وليس في الدين
العيب في مطبق القانون ولس في القانون
لا علاقة لدين الاسلام او المسيحية أو حتى اليهودية في مايفعله أصحابها
فالسياسات والإجراءات الموضوعة مثلاً في أي شركة موجودة لتسهيل العمل وخدمة الزبائن فيها ولكن تجد بالفعل الموظفين منهم من ييسرها ومنهم من يعسرها وفي النهاية تعود على الشخص نفسه وطبيعته النفسية
تحياتي لك
أعتذر لأني لم أوضح فكرتي ..أنا أتحدث عن تفجير سببه ديني سياسي
ليس عن تفجير يقوم به مجاهد ضد الإحتلال الإسرائيلي الموضوع هنا مختلف تماما ..فلا يمكن لك أن تقابل النار والقتل بالصمت والسكوت
إنه لمن حق هؤلاء الناس ومن واجبهم أن يدافعوا عن أرضهم ضد ذلك العدو
أما الذي قصدته في حديثي عن التفجير .. فهو مثلا كالتفجير الذي قامت به إمرأة في الأردن وأودى بحياة مصطفى العقاد حيث تسللت إلى عرس وفجرت نفسها و قتلت أشخاصا أبرياء
ظنا منها أنه في سبيل الله.
أما الجملة الأخرى :إذا كان الدين أن أحمل بندقية وأركض باتجاه بشر أخرين أنا أكره الدين
في إشارة فقط إلى الحروب الأهلية في أي بلد
أن يكون سبب قتالي لأشخاص أخرين هو الدين أو المذهب.
وبالنسبة للدين فهو كما تفضلت موجود لتيسير هذه الحياة
و كل ما أراه هو للأسف عكس ذلك تمام
أنا عندي كم نقطة بدي علق عليهون ازا في مجال….
ازا فمت صح فالمكتوب هو عبارة عن كره الدين لربطه بالسياسة…صح؟ تسييس الدين يعني.
الدين يللي عم يستعملوه الساسة بيختلف كتير عن دينا…. فدينون ما في لا مبادء ولا معتقدات…. وصح كل يللي انحكا… بس الغلط يللي نحنا منعملو انو منكره دينا من وراهون…. لأ… ازا كنا هيك معناتو نحنا مؤمنين ضعفاء…
شو بدنا فيون… خلي كل واحد بيدينو… انا مسلا مسلم. بعرف إنو في القران الكريم. هاد الكتاب يللي بيعلمنا أحلى وأسهل طريقة بالحياة… وكمان فينا نعيش وتعمل متل ما عاش الرسول الكريم. طبعا هدول التنين ما بيعرفون السياسيين.
فلما أنا بصلي صلواتي اليومية وبصوم بضمير… لأنو هيك الله سبحانه وتعالى أمرني لحكمة, يللي هيه انو الصلاة والصوم هنن احسن العلاجات الجسدية…. فأنا بحب الدين.
الشغلة التانية…
الضمير الخلقي… أو الانساني
ما فمت منيح بصراحة شو المقصود… الضمير الخلقي ما بيجي بالفطرة… بيجي حسب البيئة…. يمكن…
ما بدي اربط هي الشغلة بالدين مشان ما تكرهو الدين من ورايي… بس الانسان بيولد مسلم بالفطرة… بس الاهل بيعمدوه أو بيساووه يهودي… لما يكون عمر الجنين 44 ببطن امه بينسإل “من هو ربك؟” بيقول الله عز وجل.. “من هو رسولك؟” بيقول محمد صل الله عليه وسلم… “ما هو دينك؟” بيقول الاسلام….
المهم…. ازا ما فمت صح فالضمير الخلقي المفروض يكون دائما خير… بس العالم والبيئة بيخربوه……
انا بعتزر ازا ناقشت شي فمتو غلط …. بس باقي الحكي كللو في منطق.
اخر شغلة. ازا عطينا سكينة وتفاحة لولد صغير, ممكن ما يعرف شو بدو يساوي فيون. فبياكل التفاحة وبيصير يجرح حالو والعالم يللي حوليه بالسكينة. وهيك الدين لما يستخدمو ناس ما بيفهمو فيه. بياخدو الشي يللي بدون ياه, وبيخربو الحياة بالباقي….. وا اسفاه
حلو كتير
أنا معكم december forever بهذا الموقف تماما لأنو صار الدين تجارة
وغطاء لكثير من الأشياء القذرة .
رد :
المشكلة إنو تفسير القرآن الكريم بيرجع لمجموعة من الأشخاص مختلفين في التفسير .طبعا في شغلات واضحة..مافيا خلاف وفي شغلات فيا خلاف
وحتى في تطبيقات مختلفة لفكرة معينة
وهي الأيام عم شوف إنو أسباب الخلاف عم تكون أكتر من أسباب التوحد.
بعدين إنت عم تحكي من منطلق شخصي بحت
لأنو الواقع غير هيك تماما
الواقع إنو كتير من رجال الدين أو زعامات دينية..هن سياسين وما فيك تنكر إنو الناس بتمشي وراهن
وبتتأثر بالدرجة الأولى بموقفن وبتتبنى آرائن
الدين طريقة كتير قوية للسيطرة ع الناس وتجيشيا لأمور أبعد ما يمكن عن الدين والهدف إلي نوجد كرمالو الدين.
بالنسبة للضمير الخلقي
أنا شخصيا بآمن إنو نحنا البشر عنا العقل…والضمير ..منميز فيه الخير والشر…عنا قدرة على معرفة المعايير الأخلاقية.. بدون ما يكون في دين يعلمنا شو الخير وشو الشر
هاد الشي الفطري ..فينا ..”إنسانيتنا.”..
بالنسبة لفكرة إنو الإنسان بيخلق مسلم بالفطرة
مابعرف بصراحة عن الموضوع إلي تفضلت فيه .
صحيح كان في تكرر لعبارة “أنا بكره الدين”..بس أنا مو هدفي إني مجرد إطلع معارضة واتنقد الدين أو إكره الدين..
هي ردة فعلي الطبيعية من الشي إلي عم شوفو وحسو وإسمعو كل يوم.
في مقولة رائعة للمناضل أنطون سعادة مؤسس الحزب السوري القومي الإجتماعي
“منا من أسلم لله بالإنجيل ومنا من أسلم لله بالقرآن ومن أسلم لله بالحكمة”.
المهم نوصل للإيمان بالنهاية.
حابة رد على Clarity
الدين والسياسة شغلتين متلازمتين وما فيك تفصل وحدة عن التانية
وتفسير القرآن الكريم متعدد وكل طائفة بالاسلام بتفسروا على هواها بس هاد مو موضوعنا
ودينا هوي دين الساسة وما عم شوف فرق
مثلا (وليس مسلا ) سيد المقاومة السيد حسن نصر الله(أشرف الشرفاء) هلق هوي رجل دين بالمقام الأول وكمان رجل سياسة وأكيد شي بشرف أي انسان يدين بدينو وما أحلى نكون من أتباعو , والناس ألي التمت حوليه ألتمت لشي كتير عظيم كتير مقدس
هالرجل استخدم الدين ولم الناس حوليه لشي مقدس طاهر . ليسترد الأرض ليدافع عن وطنو وأهلو
يعني أنت بتعتقد كل البشر قبل الاسلام عالنار وليش الله عطانا العقل غير لنميز الخير من الشر ولا عطانا ياه لندخل بالاسلام بس حسب رأيك والدين بدو يعلمنا ناكل التفاحة بالسكين وحاسة انك أنت أخدت من الدين الشي ألي بدك ياه وبس
وبعدين يا زلمة ما بتعرف تكتب ( ازا=إذا , مسلا=مثلا . فمت=فهمت , مبادء=مبادئ , القران=القرآن ………) وا اسفاه
شكرا decemberforever
انا اكره الدين اذا كان متل ما مكتوبب
شكرا كتير ل rashaa على النقد الحلو… بس نحنا محل مو ربيانين هيك منحكي… ولما بدنا نكتب بالعامية منكتب متل ما منحكي…. بعدين تعليق زغير على نقدك… يللي بدو يعلق على كتابتي ل (مسلا ومتل وازا ومابعرف شو) لازم يكتب أحسن مني بشوي…(هي أولا)…
تانيا: انا ما حكيت عن طوائف بالسلام, ولا جبت سيرة حسن نصر الله, ولا قلت انو البشر قبل الاسلام عالنار وولا شي من هالحكي… (بس على مايبدو انا انفهمت غلط)… انا لا بقدر حلل ولا بقدر حرم من عندي… وما بقدر كمتن ناقش ناس عندون هي النظرة المتعصبة…
ما رح إرجع عيد وجهة نظري مرة تانية لأنو بالنهاية رح يضل النقاش عقيم… وانا بوعد صاحب أو صاحبة المدونة إنو ما يسمع أو تسمع أي تعليق على أي موضوع مرة تانية….
انا بعتزر مرة تانية من rashaa …. وبشكرك مرة تانية عالطريقة الحلوة بالحكي…
يا شباب روقوا..
أنا ما فيي إحذف إي تعليق لأنو من أول ما عملت المدونة لهلق ما حذفت تعليقات..
كلها كانت ضمن إطار المناقشة والحوار..ولو إنو ببعض الأوقاوت بيصير النقاش والنقد قاسي شوي ..حتى علي أنا..
أنا بعتذر إذا أحد التعليقات سببت إي نوع من الإنزعاج لأي شخص..
إلى Clarity
الله يسامحك انا متعصبة ؟
انا اخترت رد عليك لأني حسيت إنك متعصب
بصراحة انا من أكتر الناس اعتدال وما ألي علاقة بالتعصب وعلى فكرة انا ماني مسلمة وحكيت عن سيد المقاومة وبكل فخر وعزة ( هيك بكون متعصبة شي )
ومين قال انك حكيت أنت عن السيد حسن نصر الله. بس انا حطيتو كمثال عن رجال الدين والسياسة
وليش هيك عصبت وانزعجت ( يمكن لأني حجمتك )
وكل شخص بكون عاجز عن النقاش والحوار وملاقي حالو غلط بيهرب بعبارة ( نقاش عقيم )
بصراحة ما كان بدي ازعجك بس انا هيك أسلوبي جفص بس بحكي بصراحة ومصداقية حتى لو زعلوا الناس مني
عذراً
أعجبني رأيك يا صديقي وهو رأيي أيضاً.
و أقول للمعلق الذي علق على العبارة التالية:
(إذا كان الدين أن يقوم شخص ما بتفجير نفسه بين أناس مدنين وهو يظن نفسه أنه يستشهد أنا أكره الدين)
أقول له لو انتبهت لصورة مقاومي حزب الله المعروضة على اليمين . كنت ستفهم أنه تحدث عن تفجير سببه ديني سياسي وليس عن تفجير يقوم به مجاهد ضد الإحتلال الإسرائيلي
شكرا
شكرا مجد على مرورك..
مرحبا للجميع..
شو تعريف الدين..
وشو تعريف السياسة..
بعدين بنحكي..
تحياتي القلبية للمتدينين ولغير المتدينين
أهلاً مداد
هيك سؤال بياخد معي وقت لحتى فكر فيه منيح..لأنو موضوع كبير ومتشعب ومتداخل
بتمنى إنو إنت تقلي شو فكرتك عن الموضوع
بعتذر جداً إني تأخرت بالرد لهلا لكن صدقاً ضاع مني عنوان المدونة وما كنت مشترك بالتعليقات هون، اليوم بالصدفة بمدونة غياث لقيت تعليق إلك واجيت لهون
قبل ما نرجع لموضوعنا في عدة تدوينات بالمدونة عندي عن الأدلجة الدينية اللي هي التفجيرات اللي بتحمل غايات محددة ممكن ترجعي إلها.. وعودة إلى موضوعنا:
الموضوع الديني عندما يتأطر بالسياسي لا يفقده أهميته ولا يخرجه عن مضمونه لأن كل دين يحمل أطر سياسية وقواعد سلوكية تتمثل بمجموعة من القوانين – بالنهاية كل شيء بحتاج لسياسة ما -..
لكن النقطة التي أود الحديث عنها هو عندما يقوم البعض بـتدليج – من الأدلجة – لهذا الدين تحت ستار من الطوبى الأمر الذي يؤدي إلى خلق لمفهوم “الوعي الزائف” للمتلقي – وهو هون صاحبنا اللي بيفجر حاله باسم الدين لأنه بيفكر حاله بأنه الأصح والأفهم والأعلم من كل الناس – ..
بالمقابل هناك مفهوم “الوعي الصادق” الذي يقابل الوعي الزائف أعلاه وهو ما ينشأ عندما يرى الشخص نتائج الأحداث واختلافها عن منطلقاتها الطوباية، وعند نشوء هكذا فصل بين المفهومين يستطيع الشخص أن يفصل بني عالم السياسة وما فيها من مراوغة ومخاتلة وبين علم السياسة الذي يستهدف الحكم الموضوعي على أطراف اللعبة السياسية..
بالنهاية “كل أدلوجة هو ستار للمصلحة” معقولة تتطابق تماماً مع ما هو موجود عند هذه الجماعات المتشددة..
كل الشكر..
وبعتذر مرة تانية على التأخير..
ورح نضيفك بقائمة المدونات مشان ما ننسى مرة تانية
[...] *************************** المصدر: decemberforever – لا أشياء أملكها لتملكني. [...]
أاأأأنا ما بدي فوت بمتاهة تصنيف الاشياء .. أنا بهمني أكد انو علاقة الانسان بالله علاقة كتير خاصة ما حدى بحقلو يقيما أو يحكم عليا ونحن لازم نحترم بعض لأنو بالنهاية الانسانية بتجمعنا بالرغم من اختلاف معتقداتنا وأفكارنا.