العرض الموسيقي لفرقة “كلنا سوا” من أجل أطفال غزة فبراير 13, 2009
Posted by decemberforever in 1.trackback
مبارح ..الخميس 12/2/2009 حضرت حفلة للفرقة السورية “كلنا سوا”..وكانت كتير حلوة
ثمن البطاقات رح بيروح لمنظمة الأونروا “UNRWA” تحت شعار “الحملة الوطنية من أجل أطفال غزة”
وطبعاً العرض مستمر اليوم الجمعة وبكرى السبت
الساعة 8:30 على مسرح الأوبرا في دار الأسد للثقافة والفنون
أسعار البطاقات في 300
و500
و1000
أنا ورفقاتي الهفتانين طبعا حجزنا بالفئة التالتة ..جماعة ال300 ليرة..
وقعدونا على بلكون عالي
الأغاني كانوا كتير حلوين ..معانيهن قوية ..وواقعية
فرقة كلنا سوا غنت الألبوم الجديد “إذاعة كلنا سوا” (بدون تردد)
كان فيه بالعرض فرقة اشارات للرقص المعاصر
الإضاءة كانت كتير حلوة بتمشي مع مود (=جو) الغنية
والشي المميز والمؤثر كان الصور إلي عم تنعرض مع كل غنية على شاشة كبيرة
لتعطي تأثير أكبر
وخاصة إذا كانت الأغنية عن الأطفال
والظلم إلي صار بغزة وبالعراق
وبكل الناس إلي تعرضوا للإرهاب.
الCD في أغاني كتير لذيذة وبتحمل معنى وفكرة قوية
من إلي حبيتن أكتر شي:
*أنا إرهابي
*وصلو العسكر
*عم حرب إلفت نظرك
*الإصبع البنفسجي
*قدسيا
*كل يوم بقول
يمكن في كتير ما بيحبو هيك نمط من الغني..بس أنا بشوفو قريب من حياتنا ..ومعبر..
لسه في اليوم وبكرى السبت لكل الحابين يحضروا
*إكتشفت من هل المقال إني مابعرف إكتب جمل مترابطة.
fragments حياتي أنا ..!
ِ
هلا رجعتي من العرض .. بالفعل كان حلو كثيييييير ..
إذا قارنا الإمكانيات المتاحة بـ إنجازات الفرقة وخاصة بهذا العرض .. فاكيد هالمرة الشباب أبدعوا بشكل رائع جداً .. ويلي لفت نظري هالمرة هو الدمج الرائع مثل ما حكيتي بين الموسيقى والغني والأضواء .. مع فرقة الإشارات .. مع المونتاج .. مع الأوكسترا بالأخير .. فالفعل كان عمل مبدع ..
وبصراحة اسمحيلي شجع الناس والشباب على حضور هكذا الحفل لسببن :
لأن ريعه يعود لصالح أطفال غزة ولمنظمة الأونروا ..
والسبب الثاني لدعم وتشجيع المبدعين السوريين والإنجازات السورية .. لازم هدول الشباب نعطيهم حقهم وما نهمشهم مثل كل مرة ..
صح ……. أنا واحد من الرفقات الهفتانين يللي راحو… كانت حلوة الحفلة…
انا عجبتني أغنية “البيت” ……. حلوة
مستر بلوند…بوافقك مية بمية على تشجعيك للناس والشباب
ومبسوطة إنو في حدا بيفكر متلي بهي القصة
قصة دعم المبدعين السوريين
ضحك بعض الجمهور عندما بدأ أيهم بأغنية قدسيا، وبأغنية كل يوم بقول، كانت ضحكات على غرار مقولة نزار قباني:
“كان بودي أن أبكي لكني ضحكت”
لم يكن حفلاً موسيقياً فقط، بل كان مسرحياً مرئياً، كما تفضلت، الشاشة لعبت دوراً في تقديم الأغاني وربما في قدسيا ووصلوا العسكر كانت أقواها.
رغم أن أغلب الأغاني كانت إيقاعية وصاخبة، كان الجميع يجلسون “حبابين”
مع انو اجى الرد كتر متاخر بس بالمناسبة ……….. مرحبا
انا واحد من هالعالم يلي ما حضرو العرض لانو كنت بالبروفا
بتصور كان كلشي حلو بس مو بهالصورة …. ييعني الاضاءة عم تعمل شي حلو لحال و الموسيقى عم تمل شي حلو لحال و الرقص مع الدمى عم يعمل شي لحال و السؤال انو مين كان الكومبارس سيد اسامة حلال كونك انت مخرج العرض لانو المصيبة انك تحس العمل كلّو متكامل و المصيبة الاكبر انو تكون تجربتك الاخراجية الاولى على مسرح دار الاوبرا بس لانك حريج تقربني
يسلمو كتير كلنا سوا لحالكن و يسلمو اكتر اشارات للرقص المعاصر و كتير حلو يا اضاءة
بيجننو الكل بس ……… كل واحد لحال
و يسلمو لهون يلي خليتوني احكي
أهلأً فيك ..
وبيهمني تعبر عن رأيك