David Nalbandian نوفمبر 3, 2008
Posted by decemberforever in the best.trackback
Nickname : El Rey David ( king David )
Country : Argentina
Residence : Unquillo . Cordoba . Argentina
Date of birth : January 1 . 1982 ( age 26)
Height : 1.80 m
Weight : 79 kg
Plays : right-handed : two-handed backhand
Career titles : 9
Highest ranking : No.3 (March 20 .2006)
David Nalbandian من أكتر لاعبي التنس إلي بحبن
صحيح إن خسر ببطولة باريس الأخيرة بس المعلم و الفنان بيضل معلم وفنان
نالبنديان كان بيستاهل يفوز..بس مو دائما إلي لعبو أحلى بيفوز..
وعامل الجمهور لعب دور كتير كبير ضد نالبنديان لأنو طبيعي الجمهور فرنسي يشجع اللاعب الفرنسي Tsonga إلي ما بيعرف من هل اللعبة غير الace
وإلي زعجني كمان معلق الجزيرة الرياضية إلي حسيتو متحيز للاعب الفرنسي
بس شو بدنا بكل الحكي… الواحد بس يتفرج على لعب نالبنديان بيحس بالمتعة و الرقي و الفن
Nalbandian you are the best.
ِ
حكيك فيه تحيز
أنتي بتحبي نالبنديان وتصطفلي بس احكي كلام شوي واقعي
انا ما بشجع التنين بس بحب نالبنديان وشفت أنو شي عادي وطبيعي يفوز Tsonga لأنو بيستاهل ومانك عم تحكي عن كرة القدم لتقولي هاد لعب والتاني فاز هيدي التنس الأحسن بفوز
وبالنسبة لضربات الace كأنك عم تنتقديه فيا لTsonga والكل بيعرف أنو الace نقطة قوة ومهارة وبتدل على تركيز عالي
وبالنسبة للجمهور متل ما بقولوا سلاح ذو حدين يعني ممكن يسبب ضغط وتوتر للاعب ويحس بمسؤولية كبيرة بس كانTsonga هادي مركز وفنان
بعدين نالبنديان معلم وفنان!!! يعني معلش سميلي بطولة أخدا السنة
بصراحة كان نالبنديان عادي جدا وكانTsonga بيستاهل يفوز بالبطولة لأنو قدم بطولة أكثر من رائعة
خليكي واقعية ومنطقية شوي وحطي العاطفة على جنب……..
شخصية والله ما اشبو شي
إلى كنان:
شكرا على رأيك بس أنا لسه مصرة أنو نالبنديان كان بيستاهل يفوز…
Tsonga ما عندو إي فنيات…وأنا ماعم إنتقد سلاح Tsonga الوحيد إلي هوي الace
بالعكس كتير منيح وممتاز إنو اللاعب يعمل ace بس ما يكون هاد كل شي بيعرف يعملو…إذا بتحب إرجع إحضر المبارة وشوف إنو أغلب المرات إلي يضيع فيها Tsonga الإرسال الأول النقطة بتكون لنابنديان.
إتذكرت كمان إنو لما كنت عم إحضر المبارة بيقول المعلق بعد ما خسر Tsonga نقطة إنو من الأفضل يرجع يعتمد ع الإرسال
بغض النظر يمكن لأني بحب نالبنديان وكنت بتمناه يفوز ما كنت موضوعية …
بكل الاحول هاد رأي وتصوري
وشكرا على رأيك إلي ما حبيتو
هلأ بصراحة أنا ماشفت المباراة….. فما بقدر احكم…..
بس أنا موافق مع رأي نيرمين…. إنو شخصية وما اشبو شي
انا قريت كل التعليقات… بس أنا بظن إنو december منحاز للاعب كبلد. يعني بيجوز إنت بتشجع الارجنتين بكل الرياضات… انشالله ببطولة أكل…
بيجوز أنا غلطان… هاد مجرد تخمين… وبعتزر إزا غلطان. (بس ما بظن)
إلى life 4 love :
هلق بالقدم والسلة بحب لعب الأرجنتين كتير وبعتقد إنو هاد رأي و أنا هيك بحب
وبحب كمان غير فرق بس إي مظبوط أكتر شي الأرجنتين
أما بالتنس في كتير لا عبين أرجنتينين ما بحب لعبن ولا بشجعن متل اللاعب الأرجنتيني del potro وفي كمان غيرو بس ما عم إزكر أسماء … وفي لاعبين مو أرجنتينين بحبن و بشجعن متل Novac Djocovic و Federer و Safin و Fernando Gonzales حسب اللعبة مين عم يلعب ضد مين ..
وملاحظة صغيرة أنا بحب نالبنديان و بستمتع وأنا عم إحضر مبارات إلو و ما بعرف ليش الموضوع عاملكن مشكلة..!!!!