دورينا و الموجز أكتوبر 29, 2008
Posted by decemberforever in مشاركات من أصدقائي.trackback
الدوري السوري الممتع والمثير منقول مباشرة على الفضاية السورية
طبعا مو الكل بيعرف هالشي لأن إلي بتابعوا الدوري السوري كتير قلال غير أنو البعض من النادرأنو يفتح علىالفضائية السورية هيدا اذا كنتوا منزلينا عندكن ويمكن البعض ما بيعرف بوجود هيك فضائية
بغض النظرهاد مو موضوعنا
في مرة كنت عم احضر مباراة من دورينا وعلى فضائيتنا “ما تنفروا مني بس هيك صار “
صحي المباراة ممللة وبتشبه كرة القدم شوي وصحي المعلق ممل أكتروغليظ .
والحلو بالموضوع أنو لما يسكت المعلق بتسمع مسبات الجمهور كأنو عالمدرجات مباراة تانية بين
الجمهورين , كل جمهور جايب شوية مسبات وبدو يستعرضن
شو بعمل هاد الملل بخليك تعمل شغلات غريبة وتحضر شغلات بلا طعمة
عم كتر حكي ما؟ يلا رح ادخل بالموضوع
عم احضر المباراة بأمان وفجأة بيقطشوها وبينتقلوا لاستديو الأخبار
أنو ليش ؟
صار وقت الموجز العظيم الموجز المقدس هاد الموجز ألي الملايين ناطرة تحضروا بفارغ الصبر
على فكرة هاد الموجز كل ساعة بعيدوه نفسو يعني كل يوم بحطوه أكتر من20 مرة
أنو يعني شو هالموجز الرهيب .
بعتقد …لا لا متأكد أنو نحنا التلفزيون الوحيد بالعالم ألي بحط موجز الأخبار بقلب المباراة
حلو ماهيك !طلعنا سباقين ومتفردين وطلع عنا تميز عن غير فضائيات…
.حلو التميز بس مو هيك.
أنو يعني ما عاد ينطر الموجز شوي
عنجد عيب احترموا المشاهد شوي.
يمكن كترت حكي بس والله شي بيزعج على(أمل) أنو الوضع يتحسن وبااااي
………………..نلتقي………………….
ِ
كلامك بيفش الخلق وحكيك صحيح 100% .